2025 жылғы 14 наурыз күні Алматы қаласындағы республикалық Достық үйінің ұйымдастыруымен «Жас ұрпақты еңбекке баулудағы Адал азамат концепциясы» атты онлайн форматта республикалық семинар өтті.

Семинардың басты мақсаты – жастарды еңбекке баулудың маңыздылығын түсіндіру, оларды адал еңбекпен айналысуға және қоғамға пайдалы болуға ынталандыру.

Іс-шараға еліміздегі саяси реформалардың іске асырылу барысын халыққа түсіндіру үшін сарапшыларды даярлау жөніндегі республикалық Әдістемелік орталықтың өкілдері, Алматы қаласы мәслихаты депутаты, ҚХА құрылымдарының мүшелері және «Қоғамдық келісім» КММ басшылары мен қызметкерлері қатысты.

Модератор – Т.Жүргенов атындағы Қазақ ұлттық өнер академиясы «Қазақстан тарихы және әлеуметтік ғылымдар» кафедрасының доценті Божбанбаев Бауыржан. Спикерлер – Алматы қаласы мәслихатының депутаты, республикалық «Тоғызқұмалақ» федерациясының вице-президенті Әкім Тұрсұн, «Қазақстан ұйғыр жастары одағының» төрағасы Рустам Кайрыев.

Онлайн-семинар барысында әртүрлі сала мамандары мен сарапшылар өз баяндамаларын талқылай отырып, жас ұрпақты еңбекке тәрбиелеудің маңызды аспектілерін талқылады. Олардың ішінде жастарға еңбек нарығында табысқа жету үшін қажетті дағдылар мен білім беру, әлеуметтік жауапкершілікті арттыру және адал азамат болып қалыптасудың маңызы туралы сұрақтар қарастырылды.

Іс-шара барысында, қатысушыларды еңбекке баулу саласында жаңа көзқарастар мен тиімді әдістермен таныстырып, жастардың қоғамға пайдалы болуына бағытталған әртүрлі жобалар мен бастамалар ұсынылды.

Семинар соңында қатысушылар өзара пікір алмасып, адал азамат болудың жолдары мен жастардың қоғамдағы рөлін арттыру үшін қандай нақты қадамдар жасау қажеттігін талқылады.

Кейін қарай