Қазақстан халқы Ассамблеясы

09 Ақпан, 2024

108

Жамбылдық этномәдени бірлестіктер мен ҚХА құрылымдарының өкілдерімен кездесу

ҚР Президенті Әкімшілігінің ҚХА Хатшылығы меңгерушісінің орынбасары Ғалымжан Махан, ҚХА Төрағасының орынбасары Акбаржон Исмаиловпен бірге жамбылдық этномәдени бірлестіктер мен ҚХА құрылымдарының өкілдерімен кездесуі өтті.

Кездесуде Ғалымжан Жайықбайұлы ҚХА алдында тұрған уақытылы орындалуға тиіс өзекті, тың әрі маңызды міндеттерге тоқталды. Оның ішінде мемлекеттік тілді меңгеру, медиация және қоғамдық келісімнің сақталуы туралы т.б. бірқатар маңызды мәселелерді ортаға салды.

- Қазақстан халқы қай кезде де өзара түсіністік пен келісім жағдайында өмір сүреді. 18 конфессияның 4 мыңға жуық діни бірлестігі еркін жұмыс істеуде. Мұның барлығы еліміздегі бейбітшілік пен ұлттар достастығының нәтижесі. Осылайша біз бейбітшілік пен келісім құндылықтарын халықаралық қоғамдастық аренасына шығара білдік. Ассамблеяның осы бағыттағы жұмыстары Қазақстанда тұратын этностардың бірлігін сақтап, тыныштықты қадірлей білуге бағытталуы тиіс,- деді Акбаржон Яхияқажыұлы.

Кездесу барысында қатысушылар тарапынан өңірлер арасындағы қажетті тәжірибе алмасуды қолға алу, волонтерлік қызметтің заң аясында өрбуі жайлы, әртүрлі бағытта флагмандық жобалар және қолға алынған «қауіпсіздік сағаты» атты жаңа жобасын жүзеге асырудың маңыздылығы ерекше екені атап өтілді.

Кейін қарай