Қазақстан халқы Ассамблеясы

27 Қазан, 2020

263

«Өз тіліңді жақсы біл, өзге тілді құрметте»

ҚХА ұйымдастыруымен Алматы қаласы Достық үйінде өткен «Ұлы Даланың ұлтаралық тілі» атты бірінші республикалық конгресінде «Қазақстан дәуірі» газетінің бас редакторы Ертай Айғалиев кезекті сөз кезегін алды.

- «Ұлы даланың ұлтаралық тілі» форумында Қазақстанда өмір сүретін этностардың қазақ тілінде сөйлегенін көргенде, қатты тебірендім. Дүнген қызы Динараның «бірінші – бейбітшілік пен келісіміміз болуы керек, екінші – тілді білуді міндеттеу керек» деп айтқаны өте дұрыс. Қазақта «Өз-өзіңді жаттай сыйла, жат жанынан түңілсін» деген жақсы мақал бар. Біз өзімізді сыйлата алмай отырған елміз. Өзімізді құрметтете алмай отырған қазақпыз. Мұның бәрі шындық. Парламентте отырған өзбек бауырымыз «Әлемде өз тілінде сөйлемейтін бір-ақ мемлекет бар, ол – Қазақстан» деген. Осыны бүгін үлкен мәселе етіп сіздер арқылы көтеріп отырғанымызға мен қатты ризамын. Біз мұнда айтылған ойларды, сіздердің сөздеріңізді, Владимирдің үнін, Викторияның үнін теледидардан, басқа да бұқаралық ақпарат құралдарынан жарқыратып шығаруымыз керек. Кезінде Қадыр Мырзалиев көкемізден қалған «Өзге тілдің бәрін біл, өз тіліңді құрметте» деген сөз, менің ойымша, кезінде дұрыс айтылмаған. Бүгінгі таңда «Өз тіліңді жақсы біл, өзге тілді құрметте» дегенге бұрылуымыз керек. Сондықтан да сіздерге рақмет, Туымыз биік болсын, әрқашан бейбітшілік болсын!



Кейін қарай