Теміртау қаласының «Qarmet» АҚ ғимаратында орналасқан этномәдени бірлестіктердің Ашық есік күні өтті.

Іс-шара «Qarmet» АҚ бас директоры В. Б. Басиннің құттықтау сөзімен басталды.

Бұдан кейін Қарағанды облысы Қазақстан халқы Ассамблеясының қоғамдық төрағасының орынбасары В.А. Хмелевский , Теміртау қаласы әкімінің орынбасары С. С. Зияшев, «Qarmet» АҚ ғимаратында орналасқан этномәдени бірлестіктердің өкілі, еңбек ардагері, қоғам қайраткері А.М. Жақыпбеков сөз сөйледі.

Спикерлер бейбітшілік пен келісімді нығайтуда қала құраушы кәсіпорындардың ерекше маңыздылығын атап өтті. В.Б.Басин атап өткендей «Qarmet» АҚ-да 80-нен астам этнос өкілдері еңбек етеді. Әрине,олардың барлығы, ең алдымен, қазақстандықтар. «Qarmet» АҚ кәсіпорны қаладағы этномәдени бірлестіктердің жұмысына өз тарапынан көмек береді.

Шараға қатысқан облыстың Қазақстан халқы Ассамблеясы құрылымдарының мүшелері мен өкілдері, қала ардагерлері, облыстық ішкі саясат басқармасының «Қоғамдық келісім» коммуналдық мемлекеттік мекемесінің басшылығы мен өкілдері «Qarmet» АҚ ғимаратында орналасқан орталықтардың кабинеттерімен, халық қолөнершілері шығармашылығының көрмесімен танысты. Сондай-ақ этномәдени орталықтары өкілдерінің және Теміртау қаласының өнерпаздарының қатысуымен ұйымдастырылған концертті тамашалады.

Кейін қарай