Талдықорғанда «Қоғамдық келісім» мекемесінің ұйымдастыруымен этносаралық қатынастар саласындағы қызмет ететін мамандардың біліктілігін арттыру мақсатында үш күндік семинар-кеңес өткізді.

Кездесу барысында көптеген мәселелер көтерілді. Соңғы уақытта түрлі этнос өкілдерінде тұрмыстық жанжалдар, криминалдық жағдайлар орын алып жатқаны алаңдатады. Шара барысында әлеуметтік бастамаларды қолдау және медиация қызметінің басшысы Жансұлу Башенова мен қоғамдық іс-шараларды ұйымдастыру қызметінің жетекшісі Айымжан Тәңірбергенова қатысушылар тарапынан келген барлық сұрақтарға жан-жақты жауап берді.

І.Жансүгіров атындағы ЖМУ Музыкалық білім кафедрасының меңгерушісі, педагогика ғылымдарының кандидаты Аида Үсенова көп мәдениетті білім беру ортасы жағдайында студент жастардың этносаралық толеранттылығын қалыптастыру тақырыбында баяндама жасады. Дін басқармасының өкілі Айбек Бабатай конфессияаралық келісімді қалыптастыру туралы айтты.

Қорытындылай келе, "Қоғамдық келісім" КММ-нің директоры Сандуғаш Дүйсенова барлық айтылған өтініштер мен ұсыныстарды бақылауға алуға уәде берді.

Кейін қарай