Қазақстан халқы Ассамблеясы

22 Қаңтар, 2021

163

Өскеменде татуластыру орталығы ашылды

Шығыс Қазақстан облысында «Сотқа дейін татуластыру» жобасын жүзеге асыру аясында татуласу орталығы ашылды.

Салтанатты ашылу рәсіміне облыс әкімі Даниал Ахметов, облыстық соттың төрағасы Нұрлан Қайырбеков, Шығыс Қазақстан облыстық сотының азаматтық істер жөніндегі сот алқасының төрағасы Дамир Әбдіғалиев және де Шығыс Қазақстан облысының Қазақстан халқы Ассамблеясымен тығыз қарым-қатынас жасайтын кәсіби медиаторлары Дячук Марианна, Абдрахманова Елизавета, Каленова Аксана қатысты.

- Орталықтың қызметі халыққа кешенді қызмет көрсету арқылы азаматтардың мәселелерін шешу болып табылады. Осылайша, біз қоғамға татуластыру рәсімдері арқылы қиындықтарды жеңудің кең спектірін көрсеткіміз келеді, - дейді кәсіби медиатор Дячук Марианна.

Орталық жұмысының негізгі мақсаты - қоғамдағы түсініспеушілік деңгейін төмендету және адамдарға жағдайды бейбіт жолмен шешу. Құқықтық сауаттылығын арттырғысы келетін азаматтар заңгерлерге жүгіне алады, ал өзара қарым-қатынаста қиын кезеңді бастан кешірген ерлі-зайыптылар тәжірибелі психологтармен де жұмыс істей алады.

Кейін қарай