Қазақстан халқы Ассамблеясы

27 Тамыз, 2021

79

Өскеменде Ассамблея еріктілерінің кездесуінде бірқатар өзекті мәселелер талқыланды

Қазақстан Республикасының Конституциясы күні қарсаңында Өскемен қаласының Достық үйінде «Ассамблея еріктілері» онлайн форматта кездесу өтті. Кездесу қарсаныңда Қазақстан халқы Ассамблеясының мүшелері, аудандық Достық үйлерінің белсенділері және Шығыс Қазақстанның әр түкпірінен келген еріктілер қозғалыстарының қатысушылары республикалық спикерлермен бірлесіп, бірқатар өзекті мәселелерді талқылады.

Шара облыстық Достық үйінің басшысы Нұрғалиев Алмаз Болатұлының құттықтау сөзінен басталды. Семей қаласының «Glück» неміс жастар орталығының жетекшісі Мария Горбачева ерікті қызметін жаңғырту туралы өз идеясын ұсынды.

Соңында Шығыс Қазақстан облысы Қазақстан халқы Ассамблеясының еріктілер қозғалысы жетекшісінің лауазымына Илья Анищенко тағайындалды. Ол ұзақ уақыт бойы волонтерлік қызметпен айналысып, Алтай ауданы бойынша «Елбасы медалі» жобасының тәлімгері қызметін атқарды. «Жаңғыру жолы» жастар штабы төрағасының жаңа орынбасары болып Гостеева Устинья таңдалды. Ол Катонқарағай ауданының тумасы, мемлекеттік тілді еркін меңгерген және ұзақ уақыт бойы волонтерлік қызметпен белсенді айналысқан.
Сонымен қатар, онлайн – конференция соңында үздік еріктілер алғысхаттармен марапатталды.

Кейін қарай