Қазақстан халқы Ассамблеясы

21 Наурыз, 2023

526

Құрметті қазақстандықтар!

Көктем мен жаңаруды айшықтайтын мерейі тасыған Ұлыстың ұлы күні – Наурыз мейрамымен шын жүректен құттықтаймыз!

Әз-Наурыздың тарихы қандай бай болса, маңызы мен мазмұны да теңдессіз. Сол тұрғыдан алғанда айтулы мейрам Қазақстан халқының ынтымағы мен достығының, жасампаздығы мен келісімінің жарқын көрінісін паш етеді.

Наурыз мерекесі жадыраған жазды қарсы алар көктемнің басы болғандықтан, бұл күнді ата-бабаларымыз қашанда жаңарудың жаңа кезеңімен байланыстырған. Яғни, жетістіктерін өлшеп, болашаққа жоспарларын белгіледі.

Наурыз мейрамын қарсы алуда біз әрқашан қоғамымыздың дәстүрлі құндылықтары – өзара көмекке, сенімге, еңбекқорлыққа, мейірімділік пен төзімділікке жүгінеміз. Бұл күні біз жақын адамдарымызға қамқорлық жасаймыз, айналамызға қуаныш пен бақыт сыйлаймыз.

Жарқын өмірдің бастамасы болып саналатын осы көктем мерекесі елімізге, әрбір отбасына бірлік пен қуаныш, құт-береке, бақыт пен молшылық әкелсін!

Ұлыс оң болсын, ақ мол болсын!

Қазақстан халқы Ассамблеясы

Кейін қарай