Қазақстан халқы Ассамблеясы

03 Маусым, 2023

514

Алматы қаласының Республикалық Достық үйі және әзербайжан этномәдени бірлестігі балаларға арналған мереке ұйымдастырды

2023 жылғы 3 маусымда Алматы қаласының республикалық Достық үйі және әзербайжан этномәдени бірлестігінің ұйымдастыруымен, Халықаралық балаларды қорғау күніне орай, «Бақытты балалар – бақытты болашақ» атты мерекелік іс-шара өтті.

Іс-шараға Қазақстан халқы Ассамблеясы Төрағасының орынбасары - Хатшылық меңгерушісі Марат Әзілханов қатысты. Ол кішкентай қазақстандықтарды атаулы мерекелерімен құттықтап, елімізде балаларға тең мүмкіндіктерді қамтамасыз ету, олардың құқығын қорғау, әрбір баланың сапалы әлеуметтік қызметтерге, бірінші кезекте денсаулық сақтау мен білім алуға қолжетімдігін қамтамасыз ету - маңызды міндеттердің бірі екендігін атап өтті.

Өз сөзінде Марат Әзілханов қазақ халқы ықылым замандардан бері дәстүрлі түрде өзінің болашағын, бақытын, өмірінің жалғасын тәрбиелі, саналы, патриотты һәм рухты ұрпақпен байланыстырғанын тілге тиек етті.

Мерекелік іс-шара барысында қызықты викториналар мен көпіршікті шоу ұйымдастырылды. Балалар үшін түрлі байқаулар өткізіліп, арнайы сыйлықтар табыс етілді.

Кейін қарай