Қазақстан халқы Ассамблеясы

26 Тамыз, 2021

52

Петропавлда меморандумға қол қойылды

Солтүстік Қазақстан облысының Достық үйінде «Жаңғыру жолы» Қазақстан халқы Ассамблеясының Солтүстік Қазақстан облысы бойынша жастар қозғалысы, «Nur Otan» партиясы жанындағы «Jas Otan» жастар қанатының Солтүстік Қазақстан облыстық филиалы, «Солтүстік Қазақстан облысы әкімдігінің ішкі саясат басқармасы» КММ «Ақпарат және қоғамдық даму орталығы» КММ және қалалық жастар ресурстық орталығы арасында Меморандумға қол қойылды.

СҚО бойынша ҚХА РЖҚ «Жаңғыру жолы» төрайымы Лилия Баймұратова құттықтау сөзінде жастар қозғалысын дамыту бойынша іс-шаралар жоспарын іске асыру аясында ұйымдастырылған кездесудің өзектілігін атап өтті.

Ынтымақтастық туралы Меморандум Қазақстан халқы Ассамблеясының «Жаңғыру жолы» республикалық жастар қозғалысы мен «Nur Otan» партиясы жанындағы «Jas Otan» жастар қанатының Солтүстік Қазақстан облыстық филиалы арасындағы қарым-қатынасты нығайтады.

Меморандумның мақсаты - өңірдегі түрлі этностар өкілдерінің этносаралық және ұлтаралық келісімін нығайту үшін Қазақстан Республикасының жастар саясатын жүйелі іске асыру.

«Петропавл қаласының Жастар ресурстық орталығы» КММ басшысы Ә.Х. Мыңбай аталмыш Меморандум барлық мүдделі ұйымдарға жұмыс жоспарларын үйлестіруге және жұмыс тиімділігін арттыруға, соның ішінде қазақстандық патриотизмді қалыптастыруға көмектесетінін атап өтті.

«СҚО әкімдігінің ішкі саясат басқармасы» КММ «Ақпарат және қоғамдық даму орталығы» КММ басшысы Н.Р.Аккужина аймақтағы жастар ұйымдарының Меморандумға қол қою идеясын қолдады. «Еліміздің болашағы жастарға байланысты. Күш-жігерді біріктіру жоғары оң нәтиже беретініне сенімдімін», - деді өз сөзінде Н.Р.Аккужина.

Жастар ұйымдарының өзара ынтымақтастығы мемлекеттік жастар саясатын іске асыру тұрғысынан ғана емес, этносаралық келісім саласындағы өзекті бағыт болып табылады.

Кейін қарай