Қазақстан халқы Ассамблеясы

20 Желтоқсан, 2020

181

Нұр-Сұлтан қаласының Достық үйінде «ANK livе» студиясы ашылды

Елордалық Достық үйінде «Қазақстан халқы Ассамблеясына 25 жыл» мерекелік медальдарын тапсыру салтанаты өтті. Нұр-Сұлтан қаласы Ішкі саясат басқармасының басшысы Дәурен Бабамұрат төсбелгілерді тапсыру рәсімінде қалалық Ассамблеяның індет кезіндегі еңбегін атап өтіп, қала халқын Тәуелсіздік күнімен құттықтады.

«Достық үйі еліміздегі қаншама ұлт өкілдерін бір арнада тоғыстырып отыр. Қазақстан халқы Ассамблеясының пандемия кезінде елдің дамуына қосқан үлесі жоғары. Халық үшін қызмет еткендердің еңбегі елену қажет. Төтенша жағдайда қаншама қызмет түрлері көрсетілді. Жалпы, «ANK livе» студиясы 3 айдан бері қала игілігіне жарап келеді. Дегенмен міне, бүгін Достық үйіндегі игі істердің қанатын кеңге жайдыратын жаңа студия ресми түрде ашылды. Барша қазақстандықтарды Тәуелсіздік күнімен құттықтаймын», – деді Дәурен Бабамұрат.


Елдегі қоғамдық келісімнің нығаюына, Қазақстан халқының бірлігін қамтамасыз етуге қосқан елеулі үлесі үшін, сондай-ақ Қазақстан халқы Ассамблеясының 25 жылдығы құрметіне «Қазақстан халқы Ассамблеясына 25 жыл» мерекелік медалімен: Нұр-Сұлтан қаласы Қазақстан халқы Ассамблеясы «Жыр орталығының» жетекшісі Алмасбек Алматов, Нұр-Сұлтан қаласы ұйғыр этномәдени бірлестігі төрағасының орынбасары Ренат Тахтаев пен Наргизам Махмудова, украин этнолингвистикалық мектебінің жетекшісі Елена Саенко марапатталды.


Шара аясында ресми түрде аталмыш орданың «ANK livе» студиясы ашылды. Студия тікелей эфирде сұхбат, брифингтер, дебаттар мен онлайн кездесулер өткізуге арналғандығын жоба жетекшісі Шавкат Исмаилов атап өтті. Заманауи техникамен жабдықталған студия алдағы уақытта Достық үйінің ғана емес астананың түрлі тақырыптарды талқылайтын диалог алаңына айналмақ.

Кейін қарай