Петропавл қаласында бірінші рет «Екі жұлдыз» вокалдық байқауы өтті. Байқауға қатысқан әр түрлі этностардың өкілдері өзге ұлттың тілінде ән шырқады. Олардың ішінде Аққайың және Қызылжар аудандарының вокалистері, «Favorite voice» және «Максимум»студиясының қатысушылары, «Дуслык» облыстық татар-башқұрт этномәдени орталығының белсенділері.

Бас жүлдені Қызылжар ауданының қатысушылары Руслан Растенов пен Ришат Шарипов иеленді.

1 және 2 орынды Аққайың ауданының өкілдері- Юрий Бакай мен Бикен Нұрмағамбетова және Мария Полтавец пен Кенжетай Әбішева иеленді. 3 орынды «Максимум» эстрадалық өнер мектебінің өкілдері Ирина Исаева мен Надежда Каунева«Favorite voice» шеберханасының вокалистері Мария Петровская мен Рината Мусинамен бөлісті.«Дала дауысы» номинациясы бойынша «Favorite voice» шеберханасының вокалистері СамираСыздықова мен Рината Мусина, «Көрермендер көзайымы сыйлығы» номинациясында Райса Рамазанова мен Рамзия Ибатулина марапатталды.

Қазылар алқасының құрамында «Түрік мәдениеті» ҚБ төрағасының орынбасары - Д.Хасанова, ішкі саясат басқармасының бөлім басшысы Б. Мұқанова, «Дуслык» облыстық татар-башқұрт қоғамдық орталығы» ҚБ төрағасының орынбасары М. Құспанова және Ақан сері атындағы филармония директорының орынбасары К. Оспанова.

Кейін қарай