Қазақстан халқы Ассамблеясы

05 Қараша, 2020

465

«Мемлекет басшысы бірқатар маңызды міндеттерді атап өтті»

Президент Қасым-Жомарт Кемелұлы Тоқаев «Жаңа жағдайдағы Қазақстан: iс-қимыл кезеңi» атты Жолдауында елдi одан әрi дамытудың 11 негiзгi мiндетiне тоқталды.


Соның бiрi - мемлекеттiк басқарудың жаңа моделiн қалыптастыру. Мемлекет басшысы мемлекеттiк басқаруға, кадр саясатына, шешiм қабылдау жүйесiне көзқарастарды және оларды жүзеге асыруға жауапкершiлiктi өзгерту қажеттiгiн атап өттi. Сонымен бiрге стратегиялық жоспарлау және реформалар агенттiгi реформаның орталық буыны болады.

Әрине, дағдарыс жағдайында мемлекеттiк органдардың жұмыс iстеу тәжiрибесiн мемлекеттiк басқару жүйесiн қайта құруда жүзеге асыруға болады. Сыртқы бақылау мен бекiтудiң көп деңгейлi жүйесiнен бас тарту, мемлекеттiк органдардың жұмысына жобалық тәсiл қағидаларын енгiзу немесе келiсiмшарттық модель мемлекеттiк қызметтi модернизациялаудың бастауы бола алады.

Жолдаудың 5-мiндетi қол жетiмдi және сапалы бiлiм беру жүйесiне арналған. Мұнда Мемлекет басшысы еңбек нарығында сұранысқа ие құзыреттiлiктi қалыптастыру үшiн бүкiл кәсiптiк бiлiм беру жүйесiн қайта бағдарлай отырып, үздiксiз бiлiм беру тұжырымдамасын әзiрлеу қажеттiгiн атап өттi.

Әрбiр бiлiм беру бағдарламасының мазмұны өзiндiк ерекшелiгiмен ерекшеленедi, ал олардың әрқайсысы жеке-дара болашақ жүйенi қалыптастыратын құзыреттiлiктердi дамытуға жағдай жасайды: өмiр бойы бiлiм алу қабiлетi, өз бетiмен бiлiм алу қабiлетi, өзгермелi әлемде дағдылар мен құзыреттердi қолдана бiлу.

Мен бұл тәсiлдiң қазақстандық бiлiм беру сапасын арттыруға ықпал ететiнiне сенiмдiмiн, өйткенi қазiргi жағдайда өзiн-өзi үнемi немесе үздiксiз дамыту сәттiлiктiң, кәсiби өсудiң және бәсекеге қабiлеттiлiктiң кепiлi болып табылады.

Мулладжанов Алижон,

«Жамбыл облысы тәжiк этномәдени бiрлестiгi»

қоғамдық бiрлестiгiнiң төрағасы


Кейін қарай