Қазақстан халқы Ассамблеясы

31 Тамыз, 2022

65

Конституция-жаңа Қазақстанның даму іргетасы

27 тамызда Конституция күні қарсаңында Қазақстанның негізгі заңына енгізілген өзгерістер талқыланды. Басты іс-шара Медеу тау шатқалында жастардың қатысуымен өтті. Биыл 30 тамызда Қазақстанның Ата Заңына 27 жыл толады.

Іс-шараға «Қоғамдық келісім» РММ, «Ассамблея жастары» РҚБ өкілдері, оңтүстік мегаполистің тұрғындары мен қонақтары, сондай-ақ жастар қатысты.

Іс-шара барысында қатысушылар Конституцияға енгізілген түзетулерді және олардың елді трансформациялау процесіне әсерін талқылап, мемлекеттіліктің іргетасы болған басты заңының рөлі мен әлеуетін және Конституцияның арқасында мүмкін болған еліміздің негізгі жетістіктерін айтты.

«Конституция – бұл Қазақстан Республикасының егемендігін, оның демократиялық принциптерін баянды еткен, сондай-ақ табысты әлеуметтік-экономикалық қайта құруларды жүргізу үшін негіз болған құжат. Айта кету керек, Конституция біздің көпэтносты халқымыздың барлық мүдделеріне сай келеді», – деді жиналысқа қатысушылар.

Жастардың пікірінше Конституция ішкі саяси тұрақтылықтың кепілі, елдегі әрбір азаматтың құқықтары мен бостандықтарының кепілі болып, қоғамның үйлесімді дамуына мүмкіндік беріп отыр.

Іс-шара соңында қатысушылар барлық қазақстандықтарды келе жатқан мемлекеттік мереке – Конституция күнімен құттықтады.

Кейін қарай