Қазақстан халқы Ассамблеясы

20 Тамыз, 2021

107

Көкшетауда ҚР Парламенті Мәжілісінің депутаты Наталья Дементьевамен кездесу болды

«Қоғамдық келісім» КММ Қазақстан халқы Ассамблеясының мүшесі, Қазақстан Республикасы Парламенті Мәжілісінің депутаты Дементьева Н.Г. Қазақстан халқы Ақмола Ассамблеясының мүшелерімен, этномәдени бірлестіктердің және Ақмола облыстық Ассамблеяның қоғамдық құрылымдарының басшыларымен кездесті.

Дөңгелек үстел басында Наталья Григорьевна өзінің депутаттық қызметі туралы айтып берді. Қазақ тілін еркін меңгерген педагог ретінде ол өзге ұлт өкілдері арасында білім беруді дамыту, балалардың құқықтарын қорғау және мемлекеттік тіл мәселелеріне егжей-тегжейлі тоқталды.


Кездесу барысында қоғамның заманауи мәселелері туралы еркін әңгіме өрбіді. Этномәдени бірлестіктердің басшылары депутаттың назарын отбасы институтын нығайтуға, жастардың бойында отбасылық құндылықтарды тәрбиелеуге, ауыл проблемаларына аударды. Атап айтқанда, Ақмола облыстық «Вайнах» шешен-ингуш қоғамының төрағасы Г.Яндиев және «Қазақ тілі мен мәдениеті» ҚБ төрағасы М. К. Қиықов ауыл жастары арасындағы көші-қон мәселесі, дарынды жастардың шетелге кетуі туралы айтты. «Ақмола облысы поляктарының бірлестігі» ҚБ төрағасы Н.М.Нагачевская депутаттың және қатысушылардың назарын ата-анасының қамқорлығынсыз қалған және балалар үйінде тәрбиеленетін балаларды отбасылық орналастырылуы сөз болды. «Ақмола облысының татарлар мен башқұрттар бірлестігі» ҚБ төрағасы Р. Сулькарнаев ана мен балаға мемлекеттік қолдауды күшейту туралы айтты. Қандастардың Ақмола облыстық филиалының төрағасы Алтынгүл Мәден депутатқа қандастарды орналастыру бойынша мәселелерді сөз етті.

Осы күні Н.Г. Дементьева Ақмола облысы Аналар кеңесінің мүшелерімен кездесті, онда отбасылық дәстүрлер мен құндылықтарды дамыту, балаларды тәрбиелеуде отбасының мәртебесін арттыру туралы әңгіме болды.


Кейін қарай