Қазақстан халқы Ассамблеясы

06 Мамыр, 2022

182

Ешкім де, ештеңе де ұмытылмайды!

Бүгін, 6 мамырда Алматыдағы республикалық Достық үйінде ҰОС Жеңістің 77 жылдығына арналған «Ешкім де, ештеңе де ұмытылмайды» атты салтанатты іс-шара өтті.

Іс-шараға Қазақстан халқы Ассамблеясының, Алматы қалалық Ардагерлер кеңесінің және этномәдени бірлестіктердің өкілдері, ғалымдар, сондай-ақ жастары қатысты.

Іс-шара барысында тарих ғылымдарының кандидаты, доцент Найля Такижбаеваның «100-ші жеке атқыштар бригадасы» кітабының тұсаукесері өтті.

Сондай-ақ, қатысушылар Ұлы Отан соғысындағы жауынгерлдердің әскери ерліктерін және Ұлы Отан соғысындағы қазақстандық майдангерлердің өшпес ерлігін еске алып, аға буынның тағдырына қандай қиындықтар түскенін және жастардың ардагерлермен ғибратқа толы кездесулерді жиі өткізудің маңыздылығын атап өтті.


100-ші жеке атқыштар бригадасы 1941 жылдың желтоқсанында Алматы қаласында құрылғанын атап өткен жөн. Бригаданың алғашқы командирі подполковник В.Е. Шевцов болды, комиссар болып «Социалистік Қазақстан» газетінің редакторы Сақтаған Баишев, ал саяси бөлімнің басшысы ретінде Әбдірахман Досанов тағайындалған.

Аталған бригаданың алғашқы құрамында 86%-ы қазақ, 11%-ы орыс, ал қалған 3%-ы украиндар, белорустар мен басқа ұлттардың өкілдері болды. Бұл әскери құрама екінші Ржев-Сычев операциясына, Великолук, Невель шабуыл операцияларына қатыстқан.

Сонымен қатар, Ұлы Отан соғысының ардагері, ақын, жазушы, Қазақстан халқы Ассамблеясының мүшесі Леонид Юзефович Гирш туралы фильмнің үзіндісі жастарға арналып көрсетілді.


Кейін қарай