Қазақстан халқы Ассамблеясы

02 Тамыз, 2021

149

Елордада «Ашық есік күні» республикалық акциясы өтеді

2021 жылы 5 тамызда Бірыңғай республикалық медиация күні аясында ҚР «Медиация туралы» Заңының 10 жылдығына орай, ҚХА Медиация институтының 5 жылдық мерейтойына, республикалық барлық аймақтық медиация кабинеттерінде БАҚ қоғамдық медиаторларының қатысуымен «Ашық есік күні» акциясы өтеді.

Акция онлайн режимде, ZOOM платформасында Нұр-Сұлтан уақытымен 14:00-ден 17: 00-ге дейін өтеді.

Медиация кеңселерінің үйлестірушілері консультациялар өткізеді және ҚХА медиаторларының қызметі туралы ақпаратпен бөліседі. Айта кету керек, үйлестірушілер Қазақстан халқы Ассамблеясының медиация кабинеттері ашылған алғашқы күннен бастап еліміздің жеті облысында жұмыс істеп келеді.

Естеріңізге сала кетейік, медиация механизмін дамыту 2015 жылы Қазақстан халқы Ассамблеясы қызметінің басым бағыттарының бірі болды. ҚХА кәсіби медиаторлармен конструктивті өзара әрекеттестік орнату үшін және медиация технологияларын өз құрылымында қолдану тәжірибесін кеңейту үшін жұмыс жасайды.



Кейін қарай