Қазақстан халқы Ассамблеясы

27 Мамыр, 2024

64

БҚО-да Ф.А. Баюканскийдің 75 жылдығы атап өтілді

Достық үйінде Батыс Қазақстан облысы Қазақстан халқы Ассамблеясы «Қоғамдық келісім» КММ ұйымдастыруымен «Ламед» еврей этномәдени бірлестігінің төрағасы Феликс Аркадьевич Баюканскийдің мерейлі 75 жасқа толған құрметіне мерекелік шара өтті.

Облыстық Ассамблея құрылғаннан бастап белсенді мүшесі, Қазақстан Республикасының мәдениет қайраткері Феликс Аркадьевич 1949 жылы 15 мамырда дүниеге келген. Ол Орал № 6 орта мектебінің 10 сыныбын бітірген соң, 1966 жылдан А.С. Пушкин атындағы Орал педагогикалық институтының тарих-филология факультетінде оқыған.

Мерейтой иесі «Ерен еңбегі үшін», «ҚР мәдениет қайраткері», «Қазақстан халқы Ассамблеясына 20 жыл» төсбелгісімен, М.Шолохов және Ғ.Құрманғалиев атындағы төсбелгімен марапатталған. 2019 жылдан бері «Ламед» Батыс Қазақстан облыстық этномәдени орталығының төрағасы болып еңбек етіп келеді.

Мерейлі кешке Батыс Қазақстан облысы қоғамдық даму басқармасының басшысы Гүлжанар Шукеева, Орал қалалық мәдениет бөлімінің басшысы Серік Қайырлиев, «Старый Уральск» мұражайының директоры Геннадий Мухин және БҚО ҚХА этномәдени бірлестіктерінің төрағалары, БҚО әкімдігі ҚДБ «Қоғамдық келісім» КММ қызметкерлері қатысты.

Кеш аясында Баюканский Феликс Аркадьевичтің құрметіне БҚО ҚХА этномәдени бірлестіктерінің төрағалары, БҚО әкімдігі ҚДБ «Қоғамдық келісім» КММ қызметкерлері ағаш отырғызды.

Кейін қарай