Қызылорда облыстық Қазақстан халқы Ассамблеясы және Мамандандырылған күзет қызметі басқармасының қолдауымен 1 қазан – Халықаралық Қарттар күніне орай «Өмірлік қиын жағдайда қалған адамдарды қайта әлеуметтендіруге арналған орталық» мекемесінде қайырымдылық кеші өтті.

«Қарты бар ел - қазыналы» тақырыбымен өткен шараға «Қоғамдық келісім» КММ директорының орынбасары Фархат Халилуллаев, Мамандандырылған күзет қызметі басқармасы бастығы, полиция подполковнигі Бейжігіт Оспанбеков, «Дін мәселелерін зерттеу» орталығының теолог маманы Бақтияр Оспанов қатысып, ізгі лебіздерін арнады.

Кеш барысында қазыналы да ардақты қарттарымызға арнайы ақ дастархан жайылып, құрмет көрсетілді. Этномәдени бірлестіктердің өнерпаздары әсем ән айтып, көркем би билеп, қатысушыларға көтеріңкі көңіл күй сыйлады.

Ұйымдастырушыларға ақсақал аталарымыз бен ақ жаулықты аналарымыз ризашылығын білдіріп, ақ батасын берді.

Кейін қарай