Қазақстан халқы Ассамблеясы

22 Қаңтар, 2021

385

Қарағанды оқушыларына КСРО халықтарын Қазақстанға депортациялау туралы сабақ өтті

Қарағанды қаласының Әл-Фараби атындағы гимназия мектебі мен облыстық Ассамблеяның «КСРО халықтарын Қазақстанға депортациялау» тақырыбында бірлескен сабағы өтті.

Сабақтың мақсаты – оқушыларды патриотизмге, Отанға деген сүйіспеншілікке, этносаралық татулыққа тәрбиелеу. 9-сынып оқушыларына депортация туралы түрлі бейнематериалдар, жер аударылғандардың ұрпақтарымен болған сұхбаттар ұсынылды.


Әрі қарай Достық үйінің қызметкерлері мұражайға онлайн-экскурсия жасап, ұлттық киімдер мен әр түрлі этностардың сәндік-қолданбалы өнер бұйымдары көрсетілді. Сондай-ақ, олардың тарихы, мәдениеті, дәстүрлері, әдет-ғұрыптары туралы мағұлмат берілді.

«Бүгінгі сабақ мазмұнды және қызықты өтті. Біз мектеп бағдарламасы бойынша депортация тақырыбын өтіп жатырмыз. Қазақстан - 100-ден астам этнос өкілдері бейбітшілік пен келісімде өмір сүріп жатқан біртұтас мемлекет. Бұл - біздің бірегейлігіміз және жас ұрпақ үшін елдің тарихын, этностар тарихын білу өте маңызды. Мемлекет басшысы Қасым-Жомарт Тоқаев жуырдағы «Тәуелсіздік бірінен қымбат» атты мақаласында айтқандай, басты құндылық - ел бірлігі. Ол «Біз көпұлттылығымызды артықшылыққа айналдыра алдық» деді, бұған қоса, «тыныштық пен тұрақтылықтың бастауы» бола білген Қазақстан халқы Ассамблеясының маңызды ролін атап өтті», - дейді тарих пәнінің мұғалімі Гүлзат Ахметова.

Кейін қарай