Қазақстан халқы Ассамблеясы

16 Қараша, 2020

226

Алматы облысында он күнге созылған «Біз қазақстандықтармыз» фестивалі өз мәресіне жетті

5-15 қараша аралығында «Қоғамдық Келісім» КММ қолдауымен Алматы облыстық «Элефтерия» гректер қоғамы ұйымдастырумен өткен онлайн режимдегі «Біз қазақстандықтармыз» фестивалі аяқталды. Бұл іс – шара 14-ші рет аталып өтуде.

Оның мақсаты жастар арасында толерантты сананы қалыптастыру, ұлттық салт-дәстүр мен мәдениетке құрметпен қарауға тәрбиелеу үшін жағдай жасау, Қазақстан Республикасында тұратын халықтардың мәдени мұрасын насихаттау болды.


Фестиваль үш кезеңнен тұрды: алғашқы дайындық кезеңінде сынып жетекшілер және ата – аналар, оқушылармен бірігіп, бейнепрезентация дайындады, ұлттық тағамдардың белгілі бір түрін дайындау бойынша шберлік сыныптары болды, сол сияқт халық шығармашылығы бойынша да қатысушылар сынға түсті. Екінші кезеңде бақ сынасушылар дайындалған бейнепрезентацияны әлеуметтік желіге беру бойынша бағаланды.

Фестиваль қорытындысы Талғар ауданы Панфилов ауылындағы №17 мектептің акт залында өтті.

Шара барысында «Қоғамдық келісім» КММ директорының орынбасары Жандос Байқамитов, этносаралық қатынастар бөлімінің басшысы Сәуле Сурабалдинова, Қазақстанның «Филия» грек қоғамдары қауымдастығының төрағасы Георгий Иорданиди, Алматы облыстық «Элефтерия» грек қоғамының төрағасы Наталья Тифанциди құттықтап, сөз сөйледі.

Қатысушыларды рейтингтік кесте бойынша бағаланып, жүлдегерлер дипломдармен, алғыс хаттармен және бағалы сыйлықтармен марапаттады.

Кейін қарай