Алматы қаласы мәслихатының кезектен тыс ХХ сессиясында депутаттардың бастамасымен «Ынтымақ» депутаттық тобы құрылды. Оның шеңберінде қаланың ҚХА қоғамдық құрылымдарымен өзара іс-қимыл жасауға жауапты депутаттар тобы құрылатын болады.

Депутаттық топтың негізгі мақсаты Қазақстан халқы Ассамблеясын дамыту тұжырымдамасын іске асыруға, қазақстандық патриотизм, азаматтық теңдік қағидаттары негізінде қоғамдық келісім мен жалпыұлттық бірлікті нығайту жөніндегі саясатты әзірлеуге белсенді қатысу, сондай-ақ Қазақстан Республикасы Президентінің Қазақстан халқы Ассамблеясының XXXII сессиясында атап өткен қағидаттарына негізделген.

Мәселен, «Ынтымақ» тобы этносаралық қатынастарды үйлестіру және Алматы қаласын дамыту жөніндегі өзекті міндеттерді шешу жөніндегі бастамаларды талқылау және іске асыру үшін түрлі этномәдени бірлестіктердің басшыларымен тұрақты негізде кездесетін болады.

Естеріңізге салсақ, бұл тәжірибені V және VI сайланымдардың депутаттары сәтті жүзеге асырған.

Кейін қарай