Бүгін Алматы қаласының Достық үйінде уәкілетті мемлекеттік органдар мен үкіметтік емес ұйымдар өкілдерінің қатысуымен Алматы қаласының Қазақстан халқы Ассамблеясы Аналар кеңесінің отырысы өтті.

Күн тәртібінде ағымдағы 2023 жылға арналған іс-шаралар жоспары, сондай-ақ нашақорлықтың, суицидтің, тұрмыстық зорлық-зомбылықтың және т.б. алдын алу мәселелері бойынша Алматы қаласы ҚХА Аналар кеңесінің уәкілетті мемлекеттік органдармен және үкіметтік емес ұйымдармен өзара іс-қимылдары талқыланды.

Алматы қаласы ҚХА Аналар кеңесінің төрағасы М.Исраилова Кеңестің өткен жылғы атқарған ауқымды да маңызды жұмыстары туралы барынша толық ақпарат берді.

Кеңес отырысына қатысушылар: Алматы қаласы білім басқармасының адамгершілік - рухани тәрбие бөлімінің басшысы Тау Нұргүл Тауқызы, полиция департаменті есірткі қылмысына қарсы іс-қимыл басқармасының аға жедел уәкілі Көбеев Дәурен асқарұлы қатысты. Алматы қаласы, Кенесбекова Салия Кеңесбекқызы – Алматы қаласы ҚДБ психикалық денсаулық орталығының дәрігер-наркологы, Алматы қаласы полиция департаменті жергілікті полиция қызметінің тұрмыстық зорлық-зомбылықтың алдын алу жөніндегі инспекторы, Гүлнар Бекенова Абдуалиқызы – «Жыныстық және репродуктивті денсаулық жөніндегі қазақстандық қауымдастық» қоғамдық бірлестігінің бағдарламалық үйлестірушісі.

Отырыс барысында Алматы қаласы ҚХА Аналар кеңесі «Ассамблея жастары» секілді түрлі жастар бірлестіктерін тарту арқылы отбасындағы тұрмыстық зорлық-зомбылық, жасөспірімдер арасындағы нашақорлық және суицидтің алдын алуға бағытталған профилактикалық сипаттағы жұмыстарды күшейту туралы шешім қабылдады.

Кездесу соңында бірлескен профилактикалық жұмыстарды жүргізу бойынша іс-шаралар жоспары әзірленіп, аталған мәселелер бойынша жасөспірімдер мен жастарға дұрыс ақпарат беру үшін алдағы уақытта Алматы қаласы Аналар кеңесінің өкілдеріне арнайы семинар-тренингтер өткізу жоспарланды.

Кейін қарай