Қазақстан халқы Ассамблеясы

25 Сәуір, 2022

82

Қалалық ассамблея әскери-тарихи музей ауласына экологиялық акция ұйымдастырды

Нұр-Сұлтан қаласының Қазақстан халқы Ассамблеясының, елорданың этномәдени бірлестіктерінің өкілдері мен жастары «Birge – taza Qazaqstan» республикалық акциясы аясында жалпықалалық сенбілікке шықты.


Экологиялық акция барысында ҚР ҚМ Әскери-тарихи мұражайының ауласы қоқыстан тазартылып, көшеттермен толықтырылды.

Нұр-Сұлтан қаласының Қазақстан халқы Ассамблеясы игі істерге әрдайым белсене қатысады.

Юсуп Келигов, Қазақстан халқы Ассамблеясы Кеңесінің мүшесі, Нұр-Сұлтан қаласы әкімдігінің Қоғамдық кеңесінің мүшесі: «Туған жердің кез келген тұрғыны бұл іске бір кісідей атсалысқаны жөн. Мемлекетіміздің Бас қаласын жайнаған жасыл желекке айналдырсақ, қала сәулеті ажарланады, - деп, енді көгалдандыру жұмыстарын күшейте түсу керектігін жеткізді.


Елордалық ҚХА жастар өкілдерінің айтуынша, сенбілік таза ынта-жігерге негізделген, ерікті еңбек көп нәрсеге қабілетті. Осындай іс-шаралар кезінде қоршаған ортаға жауапкершілікпен және ұқыпты қарау қалыптасады, командада жұмыс істеуге үйренеді. Ортақ істің игілігі үшін барлық қатысушылар көңілді және тату жұмыс істеді.

Сенбілік дәстүрге айналды, ауа райы мен еңбек бұл күнді белсенді және көктемгі етті. «Birge-taza Qazaqstan» республикалық акциясына қатысқандардың барлығына рахмет.

Кейін қарай