Қазақстан халқы Ассамблеясы

04 Желтоқсан, 2019

1036

Атырауда өзге этнос жастары арасында қазақтың эпостық жырларын жатқа айтудан байқау өтті

«Рухани жаңғыру» бағдарламасы аясында Қазақстан халқының ортақ құндылықтарын шоғырландыруға бағытталған «Қазақтану» жобасын іске асыру мақсатында өзге этнос жастары арасында қазақтың эпостық жырларын жатқа айтудан байқауы өтті.


Ұйымдастырушылардың ақпаратына сәйкес, сайыстың басты мақсаты - ұмыт қалған қазақтың эпостық жырларын жаңғыртып, кейінгі ұрпаққа насихаттап, дәріптеу.


Байқаудың шарты бойынша, бірінші бөлімде қатысушылар сырттай үй тапсырмасы – эссе жазу бойынша, екінші бөлімде эпостық жырларды жатқа айту мен көрініс көрсету бойынша сайысқа түсті.

Байқауға қатысқан түрік, татар, орыс, кәріс ұлт өкілдерінің жастары «Алпамыс батыр», «Қобыланды батыр», «Ер Тарғын батыр» жырларын мәнерлеп оқуда ерекше белсенділік танытты.


Нәтижесінде Атырау қаласының № 21 Жамбыл атындағы орта мектебінің оқушысы, кәріс өкілі Анита Лян І орынды қанжығасына байласа, Мақат ауданының Абай Құнанбаев атындағы орта мектеп оқушысы, татар өкілі Әріпжан Мұғаден жүлделі ІІ орынды иемденді. ІІІ орынды № 4 Юрий Гагарин атындағы орта мектептің бір топ оқушылары және Жылыой ауданының № 16 мектеп оқушысы, өзбек өкілі Диляра Шафигуллина өзара бөлісті.

Жеңімпаздар дипломдар және қаржылай сыйлықтармен марапатталды.


Кейін қарай